Page 24 - Donegal CC An Rpt 19

Tuarascáil Bhliantúil Chomhairle Contae Dhún na nGall 2019
An tAonad Athnuachana & Forbartha
Bhunaigh an Príomhfheidhmeannach Foireann Athnuachana & Forbartha nua
in Eanáir 2019 chun infheistíochtaí a mhealladh ón raon clár maoinithe atá ar fáil chun lonnaíochtaí uirbeacha agus tuaithe ar ardchaighdeán a fhorbairt laistigh den chontae agus a chuireann le hathnuachan agus le fás dlúth. Bhí dhá phríomhréimse soláthair luaite le clár oibre comhaontaithe na foirne: (1) Leitir Ceanainn mar Ionad Fáis Réigiúnach (CAFU) agus, (2) Bailte Straitéiseacha ar fud an Chontae (CAFT).
An Ciste um Athnuachan & Forbairt
Tuaithe (CAFT)
Osclaíodh gairm ar thionscadail ullmhaithe Chatagóir 1 faoi CAFT i mí Aibreáin. Chuir
an Fhoireann obair i gcrích chun dlús a
chur le dhá thionscadal athnuachana a bhí ullmhaithe chun iarratas a dhéanamh ar an gCiste faoi spriocdháta mhí Lúnasa. Cuireadh in iúl i bhfógra maoinithe i mí na Samhna gur éirigh leis an dá iarratas, agus tá sonraí na n-iarratas le fáil thíos:
Na Cealla Beaga 2040 - Tionscadal athnuachana lár baile ina bhfuil sé beartaithe Mol Digiteach, Ionad Eolais do Thurasóirí, spás cathartha comhtháite a sholáthar agus príomhláithreán athnuachana a aimsiú. Tá luach €4.84 milliún luaite leis na tionscadail seo agus tá an tacaíocht Maoinithe CAFT a fuarthas cothrom le €3.6 milliún.
Ailt an Chorráin - Árainn Mhór ‘Athnuachan Calafort go hOileán’. Moltar mar chuid den tionscadal seo go mbeidh timpeallacht
agus infreastruchtúr an Chalafoirt in Ailt an Chorráin á n-athrú ó bhonn mar aon le spás
á chruthú ar Árainn Mhór le haghaidh áineasa os comhair an chladaigh, taitneamhacht lasmuigh agus spás cosúil le hamfaitéatar chun imeachtaí a reáchtáil. Tá luach €4.1 milliún luaite leis seo agus tá an tacaíocht maoinithe CAFT a fuarthas cothrom le €3.1 milliún.
Chomh maith leis sin, chuir an Fhoireann tús le hobair allamuigh agus reáchtáladh imeachtaí comhairliúcháin phoiblí in An Clochán Liath, Bealach Féich & Srath
an Urláir, Béal Átha Seanaidh agus Ráth Mealtain agus é mar aidhm Straitéisí Athnuachana a sholáthar mar chuid den chlár oibre comhaontaithe.
Ar an 13 Nollaig 2019, seoladh gairm nua ar iarratais Chatagóir 2 faoin gCiste agus chuir an Fhoireann tús láithreach leis an obair a bhain leis an bpróiseas roghnaithe tionscadal agus forbairt.
An Ciste um Athnuachan & Forbairt Uirbeach (CAFU)
I mí Mheithimh, d’fháiltigh an Fhoireann roimh an scéala gur éirigh le hiarratas ‘Leitir Ceanainn 2040’ ar CAFU in 2018 agus fuarthas litir fhoirmiúil ag léiriú go raibh tacaíocht maoinithe luach €1.9 milliún á cur ar fáil. Tá luach iomlán €2.59 milliún luaite leis an tionscadal seo agus soláthróidh sé maoiniú do Mháistirphlean Athnuachana
Lár Baile do Leitir Ceanainn, i dteannta
leis na snáithe comhlántacha de shealbhú straitéiseach láithreáin athnuachana
agus oibreacha sa ríocht phoiblí. Chuir an Fhoireann tús leis an bpróiseas de dhícheall cuí agus fíorú tionscadail leis an Roinn Tithíochta, Pleanála & Rialtais Áitiúil mar ullmhúchán chun an ciste a tharraingt anuas agus na socruithe le haghaidh sholáthar an tionscadail a bhunú.
Cuireadh tús ceart freisin in 2019 leis
an gcéad chéim eile de thionscadail athnuachana i Leitir Ceanainn faoi CAFU trí shraith ceardlann leis na Comhaltaí Tofa agus rannpháirtíocht le páirtithe leasmhara inmheánacha agus seachtracha
.