Donegal County Council Logo

Sa Rannóg Seo

Baile > An Chomhairle > Na Meáin > Eanáir 2021 ar aghaidh > Domhan an Uisce le fanacht druidte i mBun Dobhráin

24-06-21 Domhan an Uisce le fanacht druidte le linn 2021

Tá brón ar Bhord Dhomhan an Uisce i mBun Dobhráin cinneadh a dhéanamh go bhfanóchaidh an t-ionad druidte i rith shéasúr 2021.

 

Glacadh an cinneadh deacair seo i ndiaidh gach féidearthacht a scrúdú maidir le treoracha sláinte poiblí, agus le sábháilteacht na n-oibrithe agus na gcustaiméirí araon a chinntiú.

 

Lena chois sin, ní cheadaíonn an chomhairle sláinte poiblí is déanaí dúinn áiseanna ar nós Dhomhan an Uisce a oscailt, agus níltear ag dréim le fógra poiblí eile ón rialtas go dtí deireadh mhí an Mheithimh.  

 

Ina ainneoin seo, bheadh gardaí tarrthála de dhíth a bhfuil an taithí agus an oiliúint chuí acu, agus bunús na ndaoine a d’oibrigh i nDomhan an Uisce roimhe seo tá poist faighte acu in áiteanna eile anois, agus níl go leor ama againn anois chun oibrithe úra a fhostú agus a thraenáil mar is ceart.

 

Dúirt Anderson Keys, Bainisteoir Ginearálta Dhomhan an Uisce: ‘bhí muid i dteagmháil i rith an ama lenár n-institiúid, Éire Ghníomhach, a d’eisigh comhairle agus treoir do na baill-áiseanna ar fad ar fud na tíre, agus rinne muid ár machnamh ar an chomhairle a d’eisigh an Rialtas agus NPHET.’

 

Cé go gcoinneofar an t-ionad druidte don séasúr, táthar ag súil go mbeidh an áis ghaolmhar eile – Folcadáin Feamainne Bhun Dobhráin – ag athoscailt go luath i mí Iúil; ag soláthar suaimhnis ina gcuid folcadán feamainne ina n-úsáidtear feamainn a fhaightear go háitiúil chomh maith le huisce farraige ón Atlantach. Is ar líne amháin a bheifear in ann áirithintí a dhéanamh agus táthar ag súil go mbeidh sé seo ar fáil go luath.

 

Úsáidfidh bainisteoirí Dhomhan an Uisce an t-am a bheas an áis druidte chun roinnt athruithe inmheánacha a dheanamh lena chinntiú go mbeidh sé oscailte ina iomláine agus réidh le fáilte a chur roimh chuairteoirí faoin Cháisc 2022. 

Rátáil an leathanach

Déan rogha thíos

Léarscáileanna

Map Portal

  • winterweather Image
  • NWGreenway network icon
  • Donegal Tourism Logo
  • Rennet Image
  • NPPR Logo
  • Donegal Gathering Logo
  • Donegal Diaspora Logo
  • Public Art logo
  • Regional Cultural Centre logo
  • Spaceial logo
  • IrishWater
  • LEO