Tá Comhairle Contae Dhún na nGall ag críochnú Cuid Bhóthar Neil T Blaney de Thionscadal Bainistíochta Tráchta Leitir Ceanainn faoi láthair. Is é atá i gceist le cuid de na hoibreacha seo an bealach isteach chuig Ionad Seirbhísí Poiblí Leitir Ceanainn agus chuig an Ionad Scagtha Cíche a athlonnú. Is é a bheidh i gceist leis seo an bealach isteach atá ann cheana ar Bhóthar Neil T Blaney a dhúnadh agus bealach isteach nua a oscailt ó Bhóthar Joe Bonner.
Tá suíomh an bhealaigh isteach nua le feiceáil ar an léarscáil thíos. Cuirfear athlonnú an bhealaigh isteach i bhfeidhm ó mhaidin Dé hAoine an 26 Samhain 2021. Beidh comharthaíocht shealadach i bhfeidhm chun trácht a threorú chuig an bhealach isteach nua.