THRIVE – Scéim Athbheochana Oidhreacht Lár an Bhaile ar dTús
Tá THRIVE á chómhaoiniú ag Rialtas na hÉireann agus ag an Aontas Eorpach faoin Chlár Réigiúnach Tuaisceartach agus Iartharach 2021-27
TIONSCADAL ATHNUACHANA THEACH NA CÚIRTE LEITIR CEANAINN
Tá lúcháir ar Chomhairle Contae Dhún na nGall a chur in iúl gur bhronn Tionól Réigiúnach an Tuaiscirt agus an Iarthair €199,969 orthu trí Chlár Réigiúnach Tuaisceartach agus Iartharach 2021-2027 Chiste Forbartha Réigiúnaí na hEorpa (CFRE) ar son Thionscadal Athnuachana Theach na Cúirte i Leitir Ceanainn.
Is ‘Scéim Athnuachana Oidhreachta Lár an Bhaile ar dTús’ é THRIVE at atá faoi Chláir Réigiúnacha Chiste Forbartha Réigiúnaí na hEorpa, le €120 milliún a chur ar fáil d’údaráis áitiúla agus dá saoránaigh le lár bailte a athshamhlú agus le foirgnimh oidhreachta folmha nó thréigthe faoi úinéireacht phoiblí a athrú ó bhonn i lár na mbailte seo trí athchóiriú, athnuachan agus athúsáid oiriúnaitheach. Tá THRIVE á chómhaoiniú ag Rialtas na hÉireann agus ag an Aontas Eorpach trí Chlár Réigiúnach Tuaisceartach agus Iartharach CFRE 2021-27.
Díríonn an Scéim Athnuachana Oidhreachta Lár an Bhaile ar dTús seo ar bhailte agus lárionaid fáis réigiúnaigh atá ag iarraidh foirgnimh oidhreachta folmha nó thréigthe faoi úinéireacht phoiblí a athrú ó bhonn i lár na mbailte seo trí athchóiriú, athnuachan agus athúsáid oiriúnaitheach. I gContae Dhún na nGall, is é Leitir Ceanainn an t-aon bhaile incháilithe a cháilíonn don chiste seo. Tá seanteach na cúirte i Leitir Ceanainn, atá ina fhoirgneamh folamh stairiúil atá faoi úinéireacht phoiblí, incháilithe don scéim THRIVE. Mar sin de, fuair Comhairle Contae Dhún na nGall €199,969 i mí an Mhárta 2024 faoi Shnáithe 1 de chiste THRIVE, le tionscadal infheistíochta caipitil atá réidh le toiseacht a fhorbairt fá choinne athnuachan agus athbheochan an tseantí cúirte seo. Tacóidh an ciste Shnáithe 1, a bronnadh ar na mallaibh, anois le hiarratas eile ar mhaoiniú a fhorbairt i mBealtaine 2025 idir 2 agus 7 milliún euro. (THRIVE Snáithe 2). Tairiscint iomaíoch a bheidh i gceist leis seo, a dhéanfar i gcoinne Údaráis Áitiúla incháilithe eile i Réigiún an Tuaiscirt agus an Iarthair.
Leis na cistí a bhronntar faoi Shnáithe 1, agus le tacú le togra maoinithe Shnáithe 2 amach anseo, tá foireann deartha ildisciplíneach dírithe ar oidhreacht/ailtireacht ceaptha ag Comhairle Contae Dhún na nGall le hathúsáid shamhlaíoch fhoirgneamh sheanteach na cúirte a phleanáil agus an tionscadal a fhorbairt. Tá Tionscadal seo Athnuachana Sheanteach na Cúirte ar cheann amháin de 15 thionscadal athnuachana le seachadadh taobh istigh den Straitéis Athnuachana Uirbí Chomhtháite do Leitir Ceanainn, dar teideal Straitéis Athnuachana Leitir Ceanainn 2040 (LKY 2040).
Tá Comhairle Contae Dhún na nGall anois ag beartú teagmháil le saoránaigh agus geallsealbhóirí a neartú agus a leathnú, rud a chuir eolas ar fáil do agus a chomhdhear táirgeadh Straitéis chomhoibríoch Leitir Ceanainn 2040. Sainaithníonn an Straitéis an foirgneamh fá choinne úsáid atá dírithe ar an turasóireacht le riar ar riachtanais cuairteoirí agus an phobail áitiúil sna téamaí cultúr, áit, timpeallacht, aeráid agus foghlaim. Trí theagmháil leanúnach agus amach anseo le saoránaigh táthar ag fiosrú faoi láthair fhéidearthacht an fhoirgnimh fá choinne úsáid choimhdeach nó dhéach spásanna d’imeachtaí pobail nó cultúrtha. Agus iad ag cur i bhfeidhm an tionscadail THRIVE seo, tá Comhairle Contae Dhún na nGall ag leanstan ar aghaidh ag cur san áireamh luachanna agus phrionsabail oibre Bauhaus Eorpach Nua, tionscnamh de chuid an Aontais Eorpaigh, a bhfuil d’aidhm aige a chinntiú go bhfuil straitéisí agus tionscadail inbhuanaithe, go bhfuil cuma dheas orthu, agus go bhfuil siad ionchuimsitheach agus inrochtana. Tógfaidh Tionscadal Athnuachana Theach na Cúirte ar dheiseanna roimhe seo do shaoránaigh, pobail agus geallsealbhóirí le deis labhartha a bheith acu fá dtaobh de na pleananna leis an fhoirgneamh stairiúil agus folamh seo atá faoi úinéireacht phoiblí i socrú straitéiseach Dhún na nGall a fhorbairt agus le cuidiú an tionscadal a chomhdhearadh le toiliú pleanála Pháirt 8 a fháil.
I ndiaidh ócáid rathúil chomhairliúcháin buail isteach i Seanfhoirgneamh Theach na Cúirte Dé Máirt, 18 Feabhra 2025, áit ar bhuail muid le neart daoine agus grúpaí pobail, tá Comhairle Contae Dhún na nGall i mbun oibre anois chun na pleananna do thogra Chuid 8 a fhorbairt, lena n-áirítear machnamh a dhéanamh ar na freagraí comhairliúcháin agus ar chuid de na téamaí comhoiriúnacha a d’eascair as an chomhairliúchán a chur san áireamh sna pleananna molta don fhoirgneamh iontach oidhreachta seo.
Tá imeacht comhairliúcháin poiblí eile beartaithe do mhí Mhárta/Aibreáin 2025. Coinnigh súil amach!
Le tuilleadh eolais a fháil ar Straitéis agus Máistirphlean Athnuachana 2040 Leitir Ceanainn, tabhair cuairt, le do thoil, ar: https://www.letterkenny2040.ie/
Le tuilleadh eolais a fháil ar THRIVE i réigiún an Iarthuaiscirt, tabhairt cuairt, le do thoil, ar: https://www.nwra.ie/thrive/
Le tuilleadh eolais a fháil ar Thionscadal Athnuachana Theach na Cúirte, déan teagmháil, le do thoil, le: regeneration@donegalcoco.ie
