Date: 28 Márta 2025
Buaiteoirí Chomórtas Ealaíne Shábháilteacht ar Bhóithre do bhunscoileanna i nDún na nGall
Tá buaiteoirí Chomórtas Ealaíne Shábháilteacht ar Bhóithre do bhunscoileanna i nDún na nGall 2025 fógraithe ag Comhairle Contae Dhún na nGall i gcomhar le Meitheal Sábháilteacht Bhóithre Dhún na nGall agus Cumann Peile Chláirsigh na Finne. “Ár mouther, Ár Sábháilteacht” a bhí mar théama i mbliana, agus fuarthas breis agus 900 iontráil ó dhaltaí scoile ar fud Chontae Dhún na nGall.
Bronnadh príomhdhuais an chomórtais ar Martyna Stefanska ó Scoil Mhuire, Paiteagó agus beidh an saothar ealaíne ina chomharthaíocht fógraíochta i bPáirc na Finne chun sábháilteacht ar bhóithre a chur chun cinn. Chomh maith leis sin, beidh an píosa ealaíne ar taispeáint in Ollmhargaí Kernan’s agus i seomraí taispeántais I-motors i nDroim Caoin/Inis Eoghain. Mar chuid den duais, bronnadh taibléad agus ciseán ealaíne ar an bhuaiteoir, agus tugadh trealamh traenála don scoil chomh maith le seisiún cóitseála le cóitseálaithe ó Chumann Peile Chláirsigh na Finne.
Mhol Pamela Smullen ó Chomhaire Contae Dhún na nGall, na healaíontóirí óga agus na scoileanna as páirt a ghlacadh sa chomórtas:
“Chuir go leor daltaí suim ann i mbliana. Bhí teachtaireachtaí láidre sna saothair ealaíne, faoi chriosanna sábhála a chaitheamh, faoi chlogad a chaitheamh agus tú i mbun rothaíochta agus faoi sholas a úsáid nó veist shofheicthe a chaitheamh agus tú ag siúl. A bhuíochas don tionscadal seo, cuirtear ardán tábhachtach ar fáil chun labhairt faoi shábháilteacht ar bhóithre i seomraí ranga ar fud an chontae agus chun aird a tharraingt ar na dóigheanna chun muid a choinneáil sábháilte ar ár mbóithre. Trí na teachtaireachtaí seo a chur i mbéal an aosa óig, thig linn nósanna ar feadh an tsaoil a chothú iontu. Ba mhaith liom buíochas a thabhairt do na daltaí uilig a ghac páirt ann, do na múinteoirí agus scoileanna a thacaigh leis an tionscadal tábhachtach seo ar shábháilteacht ar bhóithre, agus tréaslaím leis na buaiteoirí.”
Dúirt Kevin McHugh, Ceannasaí ar Acadamh Chláirsigh na Finne, “Is mór ag Cláirsigh na Finne an rannpháirtíocht, bhí ardú ar líon na n-iontrálacha i mbliana agus tá an comórtas ag dul ó neart go neart. Thug sé le fios gur mór an fonn atá ar Chláirsigh na Finne bheith ag obair i gcomhar le Meitheal Sábháilteacht Bhóithre Dhún na nGall agus Comhairle Contae Dhún na nGall le haird a tharraingt ar shábháilteacht ar bhóithre. Is iontach an rud é go bhfuil daltaí rannpháirteach in oideachas ar shábháilteacht ar bhóithre trína saothar ealaíne.”
Bronnadh ciseán ealaíne ar bhuaiteoirí eile agus tugadh ardmholadh do roinnt iontrálacha eile as a gcruthaitheacht agus as na teachtaireachtaí láidre ar shábháilteacht ar bhóithre a léirigh said.
Buaiteoirí eile:
- Aibhín Boyle, Scoil Mhuire, Dristearnán, Gleann Daoile
- Cara Mc Fadden, Scoil Mhuire, Ráth Mealtain
- Olivia Perevalovas, Comhscoil Chonmha SN
- Pheobe Pavlicko, Scoil Náisiúnta Naomh Proinsias, Cluain Maine
Tugadh ardmholadh d’iontrálacha ó na scoileanna seo:
- Katie Greer, Scoil Mhuire, Ráth Mealtain
Tadhg Lynott, Scoil Naomh Pádraig, Carn Domhnach - Briana Mc Laughlin, Scoil Naomh Fiachra, Eileastran
- Caoimhe Kearney, Scoil Naomh Bríd, Magh
- Souzan Alahmed, Scoil Náisiúnta Sheisíoch Uí Néill
- Yunning Fu, Scoil Náisiúnta Néill Mhóir, Na Cealla Beaga
- Safiia Abadiiah, Scoil Macartain Naofa, Bun Dobhráin
- Carla Coyle, Scoil Náisiúnta an Choimín, An Clochán
Buíochas mór do na hiarratasóirí agus do na scoileanna uilig as sábháilteacht ar bhóithre a chur chun cinn sa seomra ranga.
