Date: 08 Ean 2025
Féilire Cultúrtha chun Éagsúlacht a Cheiliúradh
Tá bród ar Chomhairle Contae Dhún na nGall a fhógairt go bhfuil a Féilire Cultúrtha úr ar an fhód acu, tionscnamh a forbraíodh mar chuid de thionscadal píolótach EU BELONG agus atá ag teacht leis an Straitéis Cuimsithe Eitneach Dubh agus Mionlaigh (BME) do Dhún na nGall 2021-2026. Leagann an féilire seo béim ar phríomhimeachtaí cultúrtha agus reiligiúnacha a cheiliúrann pobail BME ar fud an chontae agus is céim shuntasach é chun uile ghabhálacht agus tuiscint chultúrtha a chothú.
Freagraíonn an Féilire Cultúrtha do Ghníomh 24 den Straitéis um Chuimsiú Eitneach Dubh agus Mionlaigh, ina n-iarrtar imeachtaí suntasacha i bhféilirí cultúrtha na bpobal Eitneach Dubh agus Mionlaigh a aithint agus a nótáil. Trí fheasacht a mhúscailt ar na himeachtaí seo, tá sé mar aidhm ag an tionscnamh mothú muintearais a chur chun cinn agus comhtháthú pobail a neartú ar fud Dhún na nGall.
Léiríonn an féilire éagsúlacht phobail Dhún na nGall. Tugann sé deis do cheannairí, d'eagraíochtaí agus do chónaitheoirí polaitiúla taipéis shaibhir chultúrtha an chontae a cheiliúradh agus dul i ngleic leis.
Dúirt John G. McLaughlin Príomhfheidhmeannach Chomhairle Contae Dhún na nGall: "Léiríonn an Féilire Cultúrtha seo ár dtiomantas leanúnach don Straitéis um Chuimsiú Eitneach Dubh agus Mionlaigh a sheachadadh. Trí imeachtaí cultúrtha agus reiligiúnacha ár bpobal a aithint agus a cheiliúradh, glacaimid céim i dtreo Dún na nGall níos cuimsithí, níos comhtháite agus níos fáiltiúla a thógáil."
Cuireadh forbairt an fhéilire ar an fhód trí chomhairliúcháin le pobail Eitneacha Dubha agus Mionlaigh, ag cinntiú go léiríonn sé na himeachtaí is bríomhaire dóibh. Táthar ag súil go n-ardóidh an tionscnamh seo feasacht ach go spreagfaidh sé rannpháirtíocht níos mó leis an cheiliúradh tábhachtach seo.
#EUBELONG
