Date: 01 Aib 2025
Léim isteach i nDraíocht na Léitheoireachta i mí Aibreáin le Léim Isteach sa Scéalaíocht ar fud Leabharlanna Dhún na nGall!
Bí réidh le haghaidh míosa lán samhlaíochta agus spraoi! Tá Leabharlanna Dhún na nGall iontach sásta “Léim Isteach sa Scéalaíocht” a chur i láthair, clár aoibhinn a bheidh ar siúl i mí Aibreáin, atá dírithe ar leanaí idir 0-10 mbliana d’aois agus a dteaghlaigh.
Cuireann Léim Isteach sa Scéalaíocht rud éigin ar fáil d’achan duine, idir sheisiúin bhríomhara scéalta idirghníomhacha do lapadáin agus cheardlanna cruthaitheacha do leanaí níos sine. Tá réimse imeachtaí ar siúl mar chuid de Léim Isteach sa Scéalaíocht agus is cinnte go spreagfaidh siad suim sa léitheoireacht in achan duine. Mar chuid den chlár náisiúnta Ceart chun Léamh, táimid tiomanta d'fhorbairt litearthachta agus léitheoireachta a chothú do chách, rud a fhágann gur aistear lán eachtraíochta í an fhoghlaim.
Scaoil Saor na Sceitimíní:
- Eachtraí Scéalaíochta le Téama: Léim isteach i ndomhan lán draíochta lenár seisiúin bhríomhara scéalta idirghníomhacha, atá fóirsteanach d’éisteoirí óga.
- Ceardlanna Cruthaitheacha: Scéalta faoi Lán Seoil! Cruthaigh déantúis inláimhsithe bunaithe ar scéalta le gníomhaíochtaí praiticiúla a bhraitheann ar an tsamhlaíocht.
- Aoi-Scéalaithe Speisialta: Scéalta le Cuimhneamh orthu: Bí faoi gheasa ag taispeántais tarraingteacha ó údair, ealaíontóirí agus scéalaithe áitiúla.
- Dúshlán Créatúir Earraigh le LEGO: Scaoil do shamhlaíocht saor agus cruthaigh créatúir earraigh iontacha le brící LEGO!
- Ceardlanna Cruthaithe Cartúin: Bí i do Bheochantóir: Tabhair leat na carachtair chartúin is fiáine chun beatha agus cuir spéis sa bheochan.
- Seónna Draíochta Ceoil: Siansa Draíochtúil: Bain sult as an mheascán draíochtúil ceoil agus draíochta inár seónna idirghníomhacha.
I Leabharlanna Dhún na nGall, creidimid go bhfuil sé fíorthábhachtach spéis sa léitheoireacht a chothú ó aois an-óg. Tá ár gclár Léim Isteach sa Scéalaíocht saor in aisce d’achan duine agus é mar aidhm aige a bheith spraíúil, inrochtana agus ionchuimsitheach, ag cinntiú go mbaineann gach leanbh sult as aoibhneas na leabhar.
Ná caill an deis! Tabhair cuairt ar do Leabharlann áitiúil i nDún na nGall chun sceideal agus amanna na n-imeachtaí a fháil amach. Tá gach imeacht saor in aisce agus oscailte do chách.
Coinnigh Suas Chun Dáta:
- Chun mioneolas a fháil ar na himeachtaí go léir, tabhair cuairt ar donegallibrary.ie.
- Lean muid ar Facebook: @DonegalCountyLibrary agus Instagram: @donegalLibrary
Léimimis Isteach sa Scéalaíocht le chéile an t-Earrach seo!
