Skip to main content

December

Am don Teaghlach i Do Leabharlann: Imeachtaí Spreagúla na Nollag do Theaghlaigh i Leabharlanna Dhún na nGall

Date: 02 Noll 2024

Cultúr

Am don Teaghlach i Do Leabharlann: Imeachtaí Spreagúla na Nollag do Theaghlaigh i Leabharlanna Dhún na nGall

Tá lúcháir ar Sheirbhís Leabharlainne Chontae Dhún na nGall an clár, Am don Teaghlach i Do Leabharlann, a bhfuiltear ag súil go mór leis, a fhógairt, ar ceiliúradh féiltiúil é atá deartha chun teaghlaigh a spreagadh le bheith páirteach i ndraíocht na léitheoireachta agus na scéalaíochta i mí na Nollag seo!

Le linn mhí na Nollag 2024, déanfaidh leabharlanna Dhún na nGall an-iontas den chruthaitheacht agus den lúcháir, rud a chuirfidh réimse leathan imeachtaí agus gníomhaíochtaí saor in aisce atá dírithe ar an teaghlach ar fáil. Tá an clár lán le deiseanna spreagúla do theaghlaigh ó sheisiúin scéalaíochta le Lennie an Laghairt go deiseanna ceardaíochta na Nollag le Daidí na Nollag (Santaí) agus lena shíogaí, rud a fhágann gurb é an bealach is fearr é chun séasúr na Nollag a cheiliúradh le chéile. Is cinnte go bhfuil rud éigean ann d’achan duine le taitneamh a bhaint as.

I measc Bhuaicphointí na Féile tá:

  • Seanchas ag Am Ceardaíochta don Teaghlach: Tar le chéile le Lennie an Laghairt agus síogaí Dhaidí na Nollag le haghaidh seisiúin scéalaíochta ar théama na Nollag, agus ina dhiaidh sin gníomhaíochtaí iontacha ceardaíochta na féile.
  • Scéalta agus Amhráin le bean chéile Dhaidí na Nollag: Beidh seisiún scéalaíochta na Nollag ar fáil a lasfadh do chroí agus foinn a dhéanfadh do shéasúr saoire speisialta duit.
  • Dúshláin LEGO na Nollag don Teaghlach: Léirigh do chuid scileanna tógála inár ndúshláin spraoi LEGO a spreagann cruthaitheacht agus obair foirne!
  • Biongó na Nollag: Cruinnigh an teaghlach le haghaidh cluiche spraíúil Biongó le casadh don Nollaig.
  • Ceardlann chun Cártaí Nollag a dhéanamh: Bí ceirdiúil agus cruthaigh cártaí Nollag áille ar féidir a roinnt le do chairde an Nollaig seo.
  • Cóisir PJ na Nollag: Cuir ort do phitseámaí is fearr leat, lig do scíth, agus bain taitneamh as tráthnóna scéalaíochta agus foinn na Nollag don teaghlach ar fad chun sult a bhaint as.

Is é is aidhm do na himeachtaí tarraingteacha sin grá don léitheoireacht ar feadh an tsaoil a chothú, agus ag an am céanna tacú le clár Ceart Léitheoireachta na hÉireann, agus béim a leagan ar a thábhachtaí atá rannpháirtíocht an teaghlaigh in eispéiris léitheoireachta leanaí. Tá réimse leathan de leabhair na Nollag do pháistí agus dhaoine fásta ar fáil i Leabharlanna Dhún na nGall agus ní ghearrtar fíneálacha níos mó! Cruthaíonn imeachtaí Am Teaghlaigh i do Leabharlann timpeallacht thacúil do leanaí chun taitneamh a bhaint as an léitheoireacht, sa leabharlann agus sa bhaile araon.

Tugann Seirbhís Leabharlainne Chontae Dhún na nGall cuireadh do theaghlaigh as gach cearn de Dhún na nGall cuairt a thabhairt ar a leabharlann áitiúil agus páirt a ghlacadh sa cheiliúradh féiltiúil seo ar leabhair, ar chruthaitheacht agus ar spraoi.

Le haghaidh tuilleadh sonraí faoi na himeachtaí agus na gníomhaíochtaí spreagúla atá ag tarlú i do cheantar, déan teagmháil le do leabharlann áitiúil nó tabhair cuairt ar ár suíomh gréasáin ag www.donegalculture.ie


To save this webpage as a PDF, select ‘Save as PDF’ from the Destination drop down and save.

Nuacht Gaolmhar

Image text description

Date: 16 Aib 2025

Athbhreithniú Bliantúil an Rannáin Chultúir 2024

D’fhoilsigh Rannán Cultúir Chomhairle Contae Dhún na nGall a nAthbhreithniú Bliantúil 2024 ar na mallaibh ina bhfuil achoimre ar éachtaí a bhaineann le rannpháirtíocht chultúrtha a neartú agus cruthaitheacht a chothú ar fud pobail éagsúla.

Image text description

Date: 07 Aib 2025

Oifig Scannán Dhún na nGall – An Ciste um Thallann ag teacht chun cinn 2025

Tá lúcháir ar Chomhairle Contae Dhún na nGall i gcomhar le hÉire Ildánach togra nua maoinithe a fhógairt! Tá seo mar chuid de ghealltanas roinnte chun cruthaitheacht a chur chun cinn agus le tacú le tallann atá ag teacht chun cinn.

Image text description

Date: 03 Aib 2025

Acmhainní Litearthachta do dhaoine fásta á gcur ar fáil ag Seirbhísí Leabharlainne Chontae Dhún na nGall

Sheol Seirbhís Leabharlainne Dhún na nGall acmhainní litearthachta dírithe ar dhaoine fásta. Baineann siad leis an léitheoireacht, an scríbhneoireacht, an ghramadach agus léamhthuiscint. Rinne an Comhairleoir Jack Murray, Cathaoirleach Cheantar Bardais Inis Eoghain iad a sheoladh ar an Chéadaoin, 2 Aibreán i Leabharlann Bhun Cranncha. Bhí an seoladh seo mar chuid de na himeachtaí atá ar siúl le ceiliúradh a dhéanamh ar an tSeachtain um Ionchuimisú Sóisialta i nDún na nGall.

Uaireanta Oscailte

Mótarcháin 9.15rn - 12.15in, agus 1.15in - 3in (Dé Máirt agus Déardaoin)