An Breitheamh Paul Kelly ag bronnadh an Ghradaim Óige Aonair de chuid Gharda Dhún na nGall ar an bhuaiteoir Rachel McGee ag searmanas i dTeach an Chontae, Leifear, tráthnóna inné.
Bhí áthas ar Chomhchoiste Póilíneachta Dhún na nGall a bheith in ann Gradaim Óige Gharda Dhún na nGall a óstáil Dé Luain 21 Eanair 2019.
Rinne na Gradaim ceiliúradh ar dhaoine óga iontacha idir 13 bliana agus 21 bliain d’aois. Thug na Gradaim aitheantas don obair mhaith atá ar siúl ag daoine óg in achan phobal i nDún na nGall. Fosclaíodh an próiseas Iarratais i mí na Samhna agus lorgaíodh ainmniúcháin le haghaidh gradaim faoi cheithre cinn de chatagóirí.
Ionadaithe Ógtheagmhála Leitir Ceanainn, Richael Shiels agus Lidia Kubinska, ag glacadh le Gradam Grúpa Óige de chuid Gharda Dhún na nGall ón Bhreitheamh Paul Kelly ag searmanas i dTeach an Chontae, Leifear, tráthnóna inné.
Dúirt an Ceannfort Michael Finan: “Tá lúcháir ar an Gharda Síochána i nDún na nGall cuidiú le Gradaim Óige an Gharda do 2019 a éascú i gcomhar le Comhchoiste Póilíneachta Dhún na nGall. Bhí ard-chaighdeán amach is amach leis na hainmniúcháin i mbliana. Ba mhaith liom comhghairdeas a dhéanamh le gach duine acu sin a ainmníodh, agus buíochas a ghabháil leo siúd a ghlac an t-am le hainmneacha grúpa agus ainmneacha daoine a chur chun tosaigh”
Seo a leanas na daoine a ainmníodh:-
Gradam Duine Aonair
Rachel Mc Gee
Stephen O’ Donnell
Gradam Grúpa
Rothaíocht i gcoinn an Fhéinbháis - Coláiste an Earagail
Ógtheagmháil Leitir Ceanainn
Aisling Murphy agus Emma Murphy faoi choimirce Ionad Ghleanntán na Finne
Jordan Boyle, buaiteoir Ghradam Óige Gharda Dhún na nGall le haghaidh Éacht Speisialta, ag glacadh lena ghradam ón Bhreitheamh Paul Kelly ag searmanas i dTeach an Chontae, Leifear, inné.
Gradam le haghaidh Éacht Speisialta
Jordan Boyle
Hannah Harley
Dina Patton
Jason Patton
Gradam Sábháilteachta Pobail
Mark Bradley
Evan Gorrell
Odhran O’Neill agus Ruby Hurst
Odhrán Ó Néill ag glacadh le Gradam Óige le haghaidh Sábháilteacht Pobail de chuid Gharda Dhún na nGall, thar a cheann féin agus thar ceann Ruby Hurst ón Bhreitheamh Paul Kelly ag Teach i Leifear inné.
Fógraíodh Buaiteoirí na nGradam ag Searmanas Gradam a reáchtáladh i dTeach an Chontae, Leifear, agus ba é an Breitheamh Paul Kelly, Cathaoirleach ar Choiste Moltóireachta Ghradaim Óige Gharda Dhún na nGall, a bhronn na gradaim ar na buaiteoirí.
Thug an Clr. Gerry Mac Maonghail, Cathaoirleach ar Chomhchoiste Póilíneachta Dhún na nGall, ardmholadh do na daoine uilig a ainmníodh agus dúirt sé: “Tá lúcháir ar Chomhchoiste Póilíneachta Dhún na nGall a bheith bainteach leis an Scéim Ghradaim seo. Is ceart agus is cóir an tionchar dearfach atá imeartha ag na daoine a ainmníodh, go háirithe ag buaiteoirí na ngradam, a mholadh agus a cheiliúradh. Trína gcuid iarrachtaí tá na daoine óga seo i ndiaidh ról tábhachtach agus luachmhar a bheith acu sna pobail ina bhfuil cónaí orthu”.
Seo a leanas Buaiteoirí na nGradam:-
GRADAM DUINE AONAIR - Rachel Mc Gee, Ard na Fearna
GRADAM GRÚPA - Ógtheagmháil Leitir Ceanainn
GRADAM ÉACHT SPEISIALTA - Jordan Boyle, Ard an Rátha
GRADAM SÁBHÁILTEACHTA POBAIL - Odhrán Ó Neill, Béal Átha Seanaidh agus Ruby Hurst, Ros Neamhlach
Rachaidh na buaiteoirí ar aghaidh anois mar ionadaithe do Dhún na nGall chuig na Gradaim Óige Náisiúnta a bheas ar siúl i mí Aibreáin 2019.
Rachel McGee lena Gradam Óige Duine Aonair de chuid Gharda Dhún na nGall ag an searmanas i dTeach an Chontae, Leifear inné. Sa ghrianghraf chomh maith, ó chlé, tá Liam Mac an Bhaird, Stiúrthóir Seirbhísí, Comhairle Contae Dhún na nGall, Séamus Mac Conghaola, Príomh-Fheidhmeannach, Comhairle Contae Dhún na nGall, An Clr. Gearóid Mac Maonghail, Cathaoirleach ar Chomhchoiste Póilíneachta Dhún na nGall, An Ceannfort Michael Finan, An Breitheamh Paul Kelly, An Clr. Niamh McDaid agus baill den Gharda Síochána, Dún na nGall.
Déan rogha thíos
