Declan Kerr, Oifigeach na Meán Cumarsáide do Chumann Sacair Chláirseacha na Finne
Ba mhaith le Cumann Sacair Chláirseacha na Finne comhghairdeas a dhéanamh lena nOifigeach Meán Cumarsáide Declan Kerr as bheith ainmnithe i measc triúir le haghaidh ‘Oifigeach Preasa na Bliana’ de chuid Chumann Scríbhneoirí Sacair na hÉireann.
“Tá lúcháir orainn ar fad i gCláirseacha na Finne go bhfuil Declan ainmnithe don ghradam náisiúnta seo ‘Oifigeach Preasa na Bliana’. Tá cuid mhór oibre curtha isteach ag Declan ó tháinig sé isteach sa phost in 2016. Is é seo an dara huair le trí bliana anuas atá sé ainmnithe don ghradam seo. Gabhaimid gach dea-ghuí leis ag an ócáid anocht i mBaile Átha Cliath, mar a bhfógróidh Cumann Scríbhneoirí Sacair na hÉireann an buaiteoir.”