Donegal County Council Logo
Baile > An Chomhairle > Na Meáin > An Lárcholún > Baol Tine

Síneadh ama go dtí an Luan maidir le fógra baol mór tine

Síneadh ama go dtí an Luan maidir le fógra baol mór tine (Stádas Contúirte Dearg)

 

Tá an Roinn Talmhaíochta, Bia agus Mara i ndiaidh síneadh ama a chur leis an fhógra baol mór tine (Stadás Contúirte Dearg) go dtí meánlae Dé Luain 2 Iúil, ar a laghad.  

 

Tá an fógra seo i bhfeidhm do gach áit ina bhfuil breoslaí contúirteacha agus leanfaidh na coinníollacha seo go dtí meánlae ar an 2 Iúil, ar a laghad.

 

Is mian le Comhairle Contae Dhún na nGall tathant ar úinéirí talún agus ar bhaill den phobal a bheith faicheallach agus gach gníomh is gá a ghlacadh le tinte fiáine amhail tinte aitinn, fraoigh, foraoise agus a leithéid de sin a sheachaint.


Táthar ag iarraidh ar gach úinéir talún agus gach ball den phobal a bheith airdeallach agus fios a chur láithreach bonn ar an tSeirbhís Dóiteáin, trí scairt a chur ar 999 nó 112, maidir le haon tine gan smacht gan chúram.

Tá an Chomhairle ag gríosú an phobail fosta gan bheith ag déanamh rud ar bith a d'fhéadfadh tinte fiáine a thoiseacht.

 

Ba mhaith le Comhairle Contae Dhún na nGall chomh maith a chur i gcuimhne d'úinéirí talún agus do bhaill den phobal gur coir é aon fhásra atá ag fás ar thalamh nach bhfuil saothraithe idir 1 Márta agus 31 Lúnasa, in aon bhliain, a ghearradh, a ghrafadh, a dhó nó a scriosadh ar aon bhealach eile, de réir an Achta Fiadhúlra 1976 agus An Achta Fiadhúlra 2000 (arna leasú).

 

Rátáil an leathanach

Déan rogha thíos

Léarscáileanna

Map Portal

  • winterweather Image
  • NWGreenway network icon
  • Donegal Tourism Logo
  • Rennet Image
  • NPPR Logo
  • Donegal Gathering Logo
  • Donegal Diaspora Logo
  • Public Art logo
  • Regional Cultural Centre logo
  • Spaceial logo
  • IrishWater
  • LEO